以後都唔會去銅鑼灣買胸圍 !! 都痴痴地

hknews     2018-04-15     檢舉

事情發生於2個月前,當時係經朋友介紹話銅鑼灣X太既Bra戴得舒服且價錢公道(Bra加橋1套大概係$$5XX,3套可以穿6個月)而且可以矯正番個胸型,所以專登搵左1日既平日下午3點上去。

上到去見到當時冇人坐響度輪侯,不過4格試身室就滿左,見到果位X太都好忙碌咁幫客人量度尺寸&解答佢地既問題等等。身邊有位店員A示意要拎籌輪侯,咁我就拎左一個籌係168號,問左個店員A:「請問仲有幾多個左右先到我 ?」店員A就話:「而家冇人,好快,你等一等呀,下個到你!」然後就行開左,咁我估計應該係叫到167號左右吧!

等了20分鐘左右終於有一位客人搞掂出番尼,咁X太就問:「下一個到邊個呀?」正當我想講係我既時候,有3個女仔行左入尼,佢地係150號左右,X太就叫:「呀邊個入尼啦!」當時我心諗:原來而家先去到150嫁?咁咪有排等?不過因為自己168號,同埋反正得3個,我等埋都唔緊要啦。但係等左30分鐘後,客人越尼越多,頭先果3個女仔都未出尼又多左5個入尼,而且仍地都係15X號。

後我就問X太:「請問下一個係咪到我?」果位X太見到我係168號就好唔耐煩咁同我講:「人地15X號呀,梗係人地先啦,你等下啦!」咁我就解釋話:「唔係bor,頭先個店員話下一個到我入去嫁。」

X太開始將唔耐煩轉為吵鬧:「你明唔明呀,咁而家人地拎籌先過你呀嘛!」咁我就解釋番件事始末:「係咁既,頭先店員姐姐話因為冇人所以俾我下一個入的,我明白我個籌拎得後D所以要等,但係我起初係諗住叫到167先尼等一陣嫁,如果我知叫到150號我都唔諗住等。」起初諗住好聲好氣大家都會明白,但點知店員B嬸嬸加入尼鬧埋我一份,,又話:「人地尼先你咪等下囉,你咁樣唔o岩規矩嫁!」

最終店員A出尼講番話係佢俾我下一個入的先叫做解決左件事。不過當我順利入左去試身室除左衣物等度身果陣就聽到X太大大聲鬧店員A話:「好心你下次就醒小小收左佢張籌先啦!而家搞到俾人嘈啦!」其實我從頭到尾都冇大聲講過一句,一直都好聲好氣諗住平息件事。

跟住話口未完X太仲要繼續鬧:「而家D人呀好唔講道理嫁!不過呢我就唔怕惡人既!話知佢有幾惡呀我就係唔驚!」聽到呢度我差D忍唔住喊左出尼……好辛苦捱到買完BRA 俾錢,臨走前佢仲要補多一句:「你呢就6個月番尼」覆診啦」! 唔尼都唔緊要呀,我唔愁冇得做呀!」..........冇諗過只係去買內衣都要俾人羞辱….總之點都好,唔會再同佢買。

P.S.同埋我響等緊既其間見到果位X太一得閒就拉開其他客人試身室既布,又叫等緊既客人望下佢身材好/唔好/可以點改進

如果人地冇興趣睇佢就拉人行埋去睇,隱私度可以話係0...雖然大家都係女人....畢竟你冇問過人願唔願意,而且人地只係穿住個BRA....真係好尷尬...